Теләче муниципаль районы «Гаилә атналыгы» кысаларында уздырылучы чараларын башлап җибәрде.
Теләче районында агымсулардай тиз узучан гомерне парлашып, бер – берсенә терәк булып яшәүче гаиләләребез күп. Кичә, 8 июль – Гаилә, мәхәббәт һәм тугърылык көне уңаеннан үткәрелгән чарада 50 ел бергә парлашып гомер итүче, алтын туйларын билгеләп үтүче парларыбыз катнашты.
Һәр гаиләгә муниципаль район башлыгы Айрат Фатхуллин котлавы, истәлекле бүләк һәм чәчәк бәйләмнәре тапшырылды. Чара матур, сый өстәлләр артында матур җыр-моңнар белән үрелеп барды.