"Өмір бойы оқы және үйрен" деген қағида алға шығуы керек – Тоқаев 2026-01-23 04:00:47
| Мемлекет басшысы Республикалық педагогтер съезінде балаларымыз заманға сай озық білім алуы қажет екенін айтты. Бұған қазір еңбек нарығы өте жылдам өзгеріп жатқаны да себеп, деп хабарлайды Zakon.kz. |
Тоқаевтың сөзінше, азаматтарымыз жаңа заманға қажет дағдыларды үйренуі керек.
"Қазір еңбек нарығы өте жылдам өзгеріп жатыр. Көптеген салаға жасанды интеллект еніп жатыр. Бұл үдеріс жылдан жылға қарқын ала беретіні сөзсіз. Бүгін жоғары сұранысқа ие мамандық ертең қажет болмай қалуы мүмкін. Ғалымдар 2050 жылға қарай қазіргі кәсіптердің жартысына жуығын цифрлық және техникалық жүйелер алмастырады деген болжам айтып жүр. Сондықтан азаматтарымыз жаңа заманға қажет дағдыларды үйренуі керек. Бұл – өте маңызды міндет".Қасым-Жомарт Тоқаев
