«Алтын мөнбәр» XXII Казан халыкара кинофестивале төрле илләрнең кинематографистлары ислам турында төшергән һәм төрле елларда кинофестиваль программасында булган иң яхшы фильмнарны җыеп күрсәтә. Алар арасында Татарстанда төшерелгән «Мулла» фильмы да бар.

Программада режиссёр Абдухалил Мигнаровның «Имам Абу Исо Мухаммад Термизий» тарихи-биографик фильмы (2019, Үзбәкстан), Магди Ахмеда Алиның «Наш проповедник» фильмы (2017, Мисыр), режиссёр Маджид Маджидиның «Мухаммад — посланник Всевышнего» масштаблы Иран тарихи фильмы (2015) бар.

Рамил Фазлыев һәм Әмир Галиәскаровның «Мулла» фильмы кинофестивальдә 2018 елда күрсәтелгән иде.

«Ислам турында иң яхшы фильмнар» программасын «Алтын мөнбәр» XXII Казан халыкара кинофестивале кысаларында «Корстон» кинотеатрында 4 сентябрьдә карап булачак.

• «Алтын мөнбәр» XXII Казан халыкара кинофестивале Казанда 4-8 сентябрьдә үтәчәк.