Полиция Департаменті бұл ақпаратты жоққа шығарды.

Құқық қорғау органдары бұл жағдайға шұғыл түрде назар аударып, таратылған мәліметтердің жалған екенін растады. Халық арасында үрей тудыру, әсіресе балалардың қауіпсіздігіне қатысты мәселелерде, қоғамға үлкен зиян келтіреді.

"Құрметті тұрғындар! Арандатушылыққа ермеңіздер. Тек ресми ақпарат көздеріне сүйеніңіздер. Жалған ақпарат тарату заңға қайшы, қылмыстық жаза арқалайтын іс," – делінген Полиция департаментінің ресми хабарламасында.

Заңнамаға сәйкес, теракт туралы көрінеу жалған ақпарат таратқаны үшін 18 миллион теңгеге дейін айыппұл немесе бес жылға дейін бас бостандығынан айыру жазасы көзделген. Құқық қорғау органдары мұндай әрекеттерге нөлдік төзімділік танытады.

Полиция ата-аналарды сақ болуға шақырып, балаларымен бұл тақырыпта ашық сөйлесуге кеңес береді. Себебі кейбір жасөспірімдер әзіл ретінде немесе аңдамай мұндай қауіпті ақпаратты таратып жіберуі мүмкін. Ал оның салдары өте ауыр болуы ықтимал.

Сурет: istockphoto.com