Үзәк Банк бәяләвенчә, Россия икътисады агымдагы елның икенче кварталында, 2026 елда уртача темплар белән үсте. Бәяләрнең сизелерлек артуы һәм җәй айларында инфляциянең үсүе күп очракта бер тапкыр була торган факторлар белән бәйле иде, дип искәрттеләр Үзәк банкта.

Димәк, тотрыклы инфляция күрсәткечләрен бәяләү бер елга күчереп исәпләгәндә 4-5 процент диапазонында кала.

«Шуның белән бергә, аерым тармакларда җитештерү мөмкинлекләрен вакытлыча киметү аркасында турыдан-туры һәм икенчел нәтиҗәләрне, шулай ук өч еллык горизонтта стимуллаштыручы бюджет сәясәтен исәпкә алып, төп ставканы салмак кына киметү таләп ителә», — дип расладылар Россия Банкында.

Үзәк Банкның база сценарие 2026 елда еллык 14,5-14,6 процент һәм 2027 елда еллык 10,5-12,5 процент диапазонында уртача төп ставканы күздә тота. Россия Банкы фаразлавынча, ягулыкка бәяләрнең сизелерлек артуы аркасында 2026 ел нәтиҗәләре буенча еллык инфляция 6-7 процент тәшкил итәчәк. Уздырыла торган акча-кредит сәясәтен исәпкә алып, 2027 елда һәм алга таба еллык инфляция билгеләнгән максатта булачак, дип искәрттеләр Үзәк банкта.

Россия Банкы директорлар советының чираттагы утырышы 2026 елның 11 сентябренә билгеләнгән, анда төп ставка дәрәҗәсе турындагы мәсьәлә каралачак. Моңа кадәр, 5 августта, регулятор төп ставка турында фикер алышу нәтиҗәләрен һәм урта сроклы фаразга комментарийны бастырып чыгарачак.