Татарстан Рәисе Рөстәм Миңнеханов «Зарница 2.0» Хәрби-патриотик уены республика финалы мәйданчыгында очып баручы мини-квадрокоптерны учына утырткан. Рәиснең матбугат хезмәте җитәкчесе Лилия Галимова МАКС мессенджерындагы каналында бу җәһәттән видео урнаштырды.

Видеокадрдан күренгәнчә, Татарстан Рәисе кечкенә генә пилотсыз очкычны очып барган җиреннән, гүя бөҗәк кебек, учына утырткан. “Рөстәм Миңнеханов дронны “буйсындырды”, – дип тасвирлаган бу хәлне Лилия Галимова.