Белгеч кәнфитне организм өчен файдалы нинди ризыкларга алыштырып булуын аңлатты 2026-04-30 09:38:54
Кәнфитне җимеш кагы һәм зефирга алыштырудан да яхшысы юк. Хәтта спортчылар да аларны тиз генә арада көч җыю чыганагы буларак куллана. Диетолог-нутрициолог София Кованова «aif.ru» хәбәрчесе белән әңгәмәсендә шулай дип белдергән.
«Майлары бик аз гына күләмдә булган “тиз” углеводлардан спортчылар хәл җыю, көч өстәү өчен файдалана», – дип билгеләп үткән белгеч.
Диетолог сүзләренә караганда, бу тәм-томнар углеводларны тәүлегенә кирәкле күләмдә җыеп бетерүгә ярдәм итә, ә инде майсыз булулары хисабына алар тиз үзләштерелә.
Мисалга, гадәти зефир асылда йомырка агыннан, алма пюресы, шикәр комы һәм табигый куерткыч матдәләр – ашкайнатуга уңай йогынты ясардай агар-агар белән пектиннан тора.
Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.
