«Дрон Экспо» – пилотсыз авиация системалары, аппаратлар һәм аларның комплектлаучы детальләре өлкәсендә төп чара. Күргәзмә тармакны үстерүгә ярдәм итүгә, тармак эчендәге һәм тармакара элемтәләрне ныгытуга, шулай ук уйлап табучылар, җитештерүчеләр һәм инвесторларның үзара хезмәттәшлеге өчен нәтиҗәле мәйданчык булдыруга юнәлтелгән.

Татарстан Рәисе күргәзмә экспозициясе белән танышты һәм пилотсыз авиация системалары өлкәсендәге яңа эшләнмәләргә бәя бирде. Быел күргәзмә 20 илдән 200дән артык экспонентны берләштерде: алар арасында җитештерүчеләр, уйлап табучылар, инженерлык компанияләре, интеграторлар, шулай ук фәнни һәм тармак оешмалары бар.

Шулай ук күргәзмәдә яңа платформалар, навигация системалары, сенсорлар, ясалма интеллект нигезендәге чишелешләр һәм башка технологияләр тәкъдим ителде.

Сүз уңаеннан, хәзерге вакытта Татарстанда «Пилотсыз авиация системалары» илкүләм проекты гамәлгә ашырыла.